過去一個星期，不斷有網媒朋友，長編大論分析youtuber點解入TVB, 又話我地雙輸，又話我地捉蟲，我笑而不語。
好多人用藝人、網絡人、政治家既角度分析我地入TVB係幾咁錯，幾咁on9，但卻忘記我地真正身份其實係一個"創作人", 至少我係。
如果你將我定位成"創作人", 就會很容易理解點解我要上TVB，因為我要尋找和探索唔同既可能性和火花。如果我無呢份冒險既心態，我唔配做一個創作人，更加唔會成為左一個所謂YouTuber 。
透過討論節目既留言，再次印證香港係充滿"港豬"。知唔知點解香港無創意？就係因為你地從來無重視過創作者，甚至你地跟本唔認識創作者特質。
有好多朋友問我拍TVB怕唔怕得失觀眾，我話：Sorry, 我拍片從來唔係為左討好觀眾，只係為興趣。我d片咁撚好笑，佢地唔睇只係佢地損失，我有乜好怕？
Search